قــــصه غـــلا

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ

**الغلا قصة عجيبة تبتدي بضحكة عيون**قصة فارسها مشاعر نابضة بأغلى غرام
**نصها كلمة أحبك يا حبيبي للجنـــــــون**تنطلق من قلب عامر بالمحبة والســــــلام
**هذي هي قصة غرامي يوم جيتك ياحنون**ما بقي شي بكياني غـــيـر حــبك بإحــترام
**جيت لك تضحك شفاهي بإبتسامات الجفون**جيت لك والقلب غارق في عبارات الكلام
**ما تصنعت المشاعر لأجل أبرهن من أكون**كان همي إني آصل ساحلك يا أغلى من عمري
**أبتسم ساعة أشوفك وأنسى أيام الشجون**وأتخذ لأجلك مساحة في مواعيد الزحام
**لا تلاقينا وشفتك قاسي الغربة يهــــــون**والفرح يسري بدمي ويخترق صلب العظام
**وإن تفارقنا دقيقة مالت أوراق الغصون**والدقيقة في عيوني شفتها الفين عام
**الغياب يا هو غيابك صبلي كاس المنون**أشربة ظلم وتجنّي وأرتوي بة بإنصدام
**الغلا ماهو حكاية تعتبر ضمن الفنون**الغلا عشته بقلبك ياقمر وسط الظلام
**لو درا بصادق غرامي الغدر حرم يخون**ولو يعيشه كل مذنب إلتزم بعد الحرام
**والبلابل لو تحسه زادة أنغام اللحــون**وبه تغنت إهتفتبه وغارت أسراب الحمام
**والبحر لو قاس حبي صارت أمواجه سكون**وقال أنا قطرة وجف وأبهر أحلام الانام
**حتى قيس اللي تصدر قايمت أهل الجنون**اللي أهل العشق أخذوا من أساطيره وسام
**ما وصل عشقه بليلى مرحلة ضم الضون**ولا تحدى في غلاها لذة أنفاس المنام
**وعنتر وعبلة غلاهم باهت ما له أي لون**بعد ما شخّص قلبي حبهم فيه إنفصام
**كل حب غير حبي مثل همال المــــــزون**يستمر وقت السحاب وينتهي بعد الغمام
**وكل شعر غير شعري ما يفي بالي يبون**تكتب حروفه أحبك ونيته الإنتقام
**أتحــدى وأتحــدى وأتحـدى من يكـــون**إن قلب غير قلبي حبه صادق بالتمام
**وإن كلامي ما عجبهم يفعلون ما يشتهون**يمكن لاشافوا ولاي عندهم ينشأ بإهتمام
**الغلا قصة وصارت بيني وبينك جنون**حكيتها بشعور قلبي قبل ما يبدا الكلام
**الغلا واقع أعيشه معك ما يرضي الظنون**واقع أجمل من خيال واقع نبراس الوئام
**بطلبك قبل أنتهي كانك لإحساسي تصون**إن لحظات التواصل نغتنمها إغتنام
**ما نبي الأيام تمشي والمشاعر يلهثون**والخطاوي الهاويه في سراديب الخصام
**والأمانه في النهايه يا حكي حب العيون**لا فهمت حروف شعري ضمها بعد الختام

الغلا ماهو حكاية تعتبر ضمن الفنون**الغلا عشته بقلبك ياقمر وسط الظلام


كلمات رائعه بكل معني الكلمه


يعيطيك العافيه

لا عدمناك

تحياتي